KNP Icon

TAGAL KG.NUNTUNAN
dengan kerjasama JABATAN PERIKANAN SABAH


Anda warga Kg.Nuntunan? Perlu login utk melihat semua topik...

Who is online?
In total there are 2 users online :: 0 Registered, 0 Hidden and 2 Guests

None

[ View the whole list ]


Most users ever online was 34 on Mon Jun 07, 2010 1:17 pm
Latest topics
» Yang pertama...
by Prisca Thu Sep 24, 2015 10:40 pm

» FIFA 2014
by edy Thu Jul 24, 2014 2:08 pm

» kaamatan 2013?
by Admin Thu Apr 17, 2014 6:53 pm

» Penduduk kg semakin maju
by Admin Tue Apr 15, 2014 9:34 pm

» KEM KESIHATAN UNTUK WARGA KG.NUNTUNAN
by sabtu Sat Apr 12, 2014 7:10 pm

» Barisan AJK JKKK Kg.Nuntunan 2014
by Admin Sat Apr 12, 2014 6:38 pm

» Senarai Koleksi Lagu (lirik)
by Admin Sun Mar 30, 2014 10:59 pm

» JOY Music Centre -Keningau
by edy Fri Feb 07, 2014 4:09 pm

» Aktiviti "org kita" di luar negeri / luar kg nuntunan
by edy Tue Jan 21, 2014 6:15 pm

» Pelawat '3rd tRAINING PROGRAM' -15okt2013
by Admin Mon Dec 09, 2013 5:28 pm

» Tahniah... ClarineSisca Clare Japrin (25sept2013)
by Admin Mon Dec 02, 2013 11:18 am

» Barking at the moon
by Admin Sat Nov 23, 2013 7:58 pm

» UPSR 5A di kg Nuntunan
by Admin Tue Nov 19, 2013 8:24 pm

» Penternakan ikan TALAPIA .. mari bincang
by edy Fri Aug 23, 2013 1:25 pm

» Jangan tebang/musnahkan pokok ini
by Admin Sat Aug 17, 2013 11:21 pm

» Gambar-gambar Tagal
by Admin Tue Aug 06, 2013 2:08 pm

» Rokok elektronik (e-cigarette)
by Admin Fri Jul 19, 2013 10:41 pm

» Post Mortem Kaamatan 2013 Kg.Nuntunan -13julai2013
by Prisca Fri Jul 19, 2013 8:52 pm

» Gambar2 Kaamatan Kg.Nuntunan -22jun2013
by Admin Mon Jul 15, 2013 2:53 pm

» Sumbangan Pesta Menuai 2013
by Admin Fri Jul 12, 2013 10:52 am

KNP Chatbox


Visitors / Pengunjung / Pelawat

Tangon-Tangon Dusun

View previous topic View next topic Go down

Tangon-Tangon Dusun

Post by djt on Sat Jan 09, 2010 8:23 am

TUNTURU

Haro-haro kaka yoloi Kodu-Kodu om paganak nodi miambalut-balut yolo Kinomulok. Om ponontiyan nopodi ih Kodu-Kodu nga tulun kopiyo tanak, ponontiyan nopodi ih Kodu-Kodu nga Tunturu.

Agayo nodi ih tanak dioloi Kinomulok om pomboros noh "oh, lumayag oku nodi idi" kaka di Bulontoi, tanak dio Kinomulok. Om korongou kaka di tunturu ri nga pomboros noh, " idi, ngoyon noh barasai yoloi Bulontoi om ngoyon oku noh umbayaai" kaka di Tunturu. Koruhang nopo ngawi dio Bulontoi lumayag nga yoloi Angkayu. Ih Bulontoi nopo noh nga osonong kumaa di Tunturu. Ih Tunturu nopo di nga pinosuwang di kodu id towuhu.

Hibok nodi kaka gima yolo di lumayag om papanaho noh kaka ih poduo nga id kapanau. "Tok oi, osorou ku mala nga ih Tunturu oh au nakatanud" kaka Bulontoi, om ngoyo gantayo ih towuhu om pamanau nogi di kaka ih poduo sumoborong hilo rahat. Korikot diri kaka hilo rahat om pinosuwangan
kaka kodu dot iso noh sayat do sadur hiri id towuhu. Om hibok nodi yoloi Angkayu minongoi pongindapu-dapu.

Di mibok nodi yolo lumayag om "posowiton oku noh koyu hiti disan do rahat" kaka di Tunturu. "Umm...pataamon toi noh, pakanan do kilau" kaka dioloi Angkayu. "Osian ih bo dogima ih Tunturu ti" kaka Bulontoi. Posowito nodi kaka Bulontoi ih Tunturu di hilo disan do rahat. Om nopo di sayat do sadur nga tinanom di tunturu hilo disan do rahat. Tok om oliod ih moti kaka yolo luminayag, sombulan ih.

Ponguwa nodi ih sadur om tuk oi, om ogumu tomod, om misosowoli-woli podi kaka ih tikus do moi pangakan di sadur gisom do nawi,nga waro moti kaka tagayo di sadur do iso podi ri nolu. Ngoyon diri di tikus nga "hem...id koyuhu kupo di noh wo noh koyu boliyon" kaka di Tunturu. Rikot nodi kaka ih tikus pointangau oh sopuk do toniba-niba, om iri nodi niboli di tikus di sadur do tagayo.

Nawi nodi ih sadur om ngam-ngam koguli yo Bulontoi om tolibai noh wagu ih tunturu au nowit, om au noh wagu minamanau ih poduo. "Tuk oi ginawo ku sorou ti, nga wo dogima nowit ilo Tunturu" kaka di Bulontoi. "Patamon bono, nu ma guna-guna Tunturu, pakanan nopo kilau" kaka dio Angkayu. "osian ih bo dogima ti Tunturu ti" kaka Bulontoi om owito noh ih Tunturu om osonong nogi di minamanau ih poduo diolo.

Om korikot nodi yolo hilo id walai nga onuon diri di Tunturu ih sopuk om posopukon nga atuk oi, om osukup diri tomod do urang kaya di au nomimilan ih Tunturu. Om yo Angkayu nopodi nga pihum-ihum diri diolo oh koburu-buruon.


Lumayag-Moi pongindapu-dapu
Poduo-Perahu

djt
Pengunjung Setia

Posts : 1200
Join date : 2009-08-11
Location : n2n

View user profile

Back to top Go down

Re: Tangon-Tangon Dusun

Post by huukma on Mon Jan 11, 2010 12:54 pm

bah..hinonggo no yi anak-anak..?

huukma
Pengunjung Senior

Posts : 489
Join date : 2009-07-16

View user profile

Back to top Go down

Re: Tangon-Tangon Dusun

Post by LEE XIN TONG on Mon Jan 11, 2010 12:57 pm

ASAMPIN NOH KOPIO IH DJT DUSUN OI...

LEE XIN TONG
Pengunjung Tetap

Posts : 556
Join date : 2009-10-27
Location : LUYANG

View user profile

Back to top Go down

Re: Tangon-Tangon Dusun

Post by djt on Mon Jan 11, 2010 2:37 pm

huukma wrote:bah..hinonggo no yi anak-anak..?

coming soon ri tuan Very Happy

djt
Pengunjung Setia

Posts : 1200
Join date : 2009-08-11
Location : n2n

View user profile

Back to top Go down

Re: Tangon-Tangon Dusun

Post by djt on Mon Jan 11, 2010 8:39 pm

YANAK-ANAK OM IE ONGKOR

Waro-waro kaka di gulu-gulu po id iso oh nokoiyonon di om, haro kaka iso paganakan do poingiyon, tama, tapa om tanak. Ie tapa nopo nga pinungaranan do ie Kaki-Kaki, ie nopo tama nga pinungaranan do ie Kodu-Kodu om ie nopo tanak diolo nga pinungaranan do ie Yanak-Anak.

Yolo nopo kaka'd ti do sanganak-anak nga monidong, mongulam om mananon nanom ngawi do kokotuan om ie ngawi taakanon do suai. Aparu tomod kaka yolo'd ti. Ie Yanak-Anak nopo nga tanakwagu di olumis tomod oh kokitanan om aparu, osonong ngawi oh kowoyo-woyoon.

Insan tadau, pimpanau no ie Yanak-Anak id tidong diolo. Id tawayaan nopo di Yanak-Anak di nga walai di Ligot Liou. Ie Ligot Liou nopo'd ti nga molohing no om oligot tomod oh liou, milo ngawi do pinturugan ie liou dau. Ie Ligot Liou nopo'd ti nga arahi tomod do posilang do parai, mutok tutok pondo ie Ligot Liou id suriba di bunahau do magandad di parai dau do oromuk."Talib oku po inan....""Erei, Yanak-Anak ko ie mala'd di.Mumbaya po boh, inggutuwan oku po.."

Umbaya nodi kaka Yanak-Anak di do minonginggutu di Ligot Liou. Soira sinoriyuk di Yanak-Anak ie tokobuk di Ligot Liou, atukoi... nouru tomod Yanak-Anak do nokotigog tu mogisusuwai po id tokobuk di Ligot Liou, haro no gangak, haro no lontugi, haro no tangkalamai, haro no giyuk. Tahan-tahanon po kaka di Yanak-Anak tu orosian do gokiyak. Siyahan no kaka di Yanak-Anak do manabpo ie tangkalamai, giyuk, lontugi om gangak om pokuwon no id palad di Ligot Liou. Soira do minsosodop nodi, ugad nodi Yanak-Anak.
"Yanak-Anak, tumakad ko nopo hilo id nuluhon om, umbayaan no ie tawadak, onuon ie tawadak di omulok po nga kada po ukabo id tanga do ralan. Korikot po id walai om ukabon nogi.""Pounsikou no inan," ka nogi di Yanak-Anak.

Soira do tuminakad ie Yanak-Anak do nulu, kokito no di Yanak-Anak ie tawadak di om onuo no di Yanak-Anak ie tawadak di omulok po miagal di pinonuhuan di Ligot Liou. Pitanggai tanggayai no di Yanak-Anak ie tawadak di do minongoi id todong om soira podi do nokouli Yanak-Anak id walai di sosodopon no, ukaboai nodi kaka di Yanak-Anak ie tawadak di. Soira do nukaban di Yanak-Anak ri, soliwan nodi oh sumandak di awantang om olumis tomod. Jodio nodi kaka di Yanak-Anak ie sumandak di do sawo. Aparu tomod kaka ie sumandak di om norikot no ie Kaki-Kaki om ie Kodu-Kodu do nondos. Ie nopo kaka ie sumandak di nga osundu ko tulun. Tok koi yom, kakaya nodi kaka yo Yanak-Anak di. Walai di nga osonong, binuru-buru di nga ogumu, parai di ngawi nga ogumu.

Soira nokorongou ie Ongkor do boros ngawi do tulun, ongoi nodi kaka yi Ongkor ruba di Yanak-Anak di om pongudiyo nodi nung poingkuro-kuro kopio do nakakaya. Yanak-Anak nopo'd ti tu osonong ko oh tulun nga posunudo nodi dau ngawi poingkuro kuro. Bah, ongoi nodi moti kaka yi Ongkor di pintalib-talib id walai di Ligot Liou. Soira do tuminalib, lohowo nodi di Ligot Liou yi Ongkor di do minoki'inggutu. Soira do sinoriyuk di Ongkor ie tokobuk di Ligot Liou, umbal po mala kaka ie Ongkor di pomogiyak tu nokokito do gangak, lontugi, tangkalamai om ie giyuk. Onuo no kaka di Ongkor ie mumuhau om pimuhawai no ie tokobuk di Ligot Liou gisom do sontompul-tompul po di ie tongogiyuk. Pinturugai ngawi kaka di Ongor ie tulu di Ligot Liou om norikot no ie Ligot Liou do rinualan do tulu.

Soira do minibok yi Ongkor, suhuo nodi di Ligot Liou do maganu do tuwa do tawadak di omulok po om sinunudan do au mongukab id tanga do ralan.Soira do naanu di Ongor ie tuwa di, au di yalo nakasabar do minongukab. Irikau nopo kaka yi Ongkor id disan di tawadak di nga ukabai no ie tuwa.. soira noukaban, soliwan nodi oh todu-odu no do aiso ngawi o nipon. Umbal di pomogiyak ie Ongkor nga poingkuro po, gusaan ie kaka di todu-odu no. Ie Yanak-Anak nopo di do sanganak-anak nga osonong di tomod oh koposi-posiyan diolo, ie Ongkor nopo di om, tadau-tadau nopo di do miuhod di todu-odu..

djt
Pengunjung Setia

Posts : 1200
Join date : 2009-08-11
Location : n2n

View user profile

Back to top Go down

Re: Tangon-Tangon Dusun

Post by edy on Fri Jan 15, 2010 8:53 pm

ni la contoh bhasa kita duulu.. aralom kopio om ingaa ih korolot do malayu...

edy
Pakar Rujuk KNF

Posts : 3660
Join date : 2009-06-15

View user profile http://stedmund-jvsite.forumotion.net/

Back to top Go down

Re: Tangon-Tangon Dusun

Post by Ansis on Fri Jan 15, 2010 9:30 pm

osonong no moti oh tangon di gundohing djt...

_________________
I move where my heart takes me. I'm not bound to anything. I run the field. I cross over the mountain tops. I pass through a lot of great places in this immense earth.

Ansis
Pakar Rujuk KNF

Posts : 3220
Join date : 2009-06-15

View user profile

Back to top Go down

Re: Tangon-Tangon Dusun

Post by huukma on Sun Jan 17, 2010 11:29 pm

nah kio..nokorikot no yi anak-anak...keee hoi..

huukma
Pengunjung Senior

Posts : 489
Join date : 2009-07-16

View user profile

Back to top Go down

Re: Tangon-Tangon Dusun

Post by Sponsored content Today at 10:05 pm


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum